“4,5 млрд алимент өндірілді”: Тоқаев бас прокурорды қабылдады

Мемлекет басшысы Бас прокурор Берік Асыловты қабылдады, деп хабарлайды Bugin.kz порталы. 

Қабылдауда Бас прокурор еліміздегі заң үстемдігінің жай-күйі және қадағалау органдарының басым бағыты бойынша атқарған жұмыс қорытындысын баяндады. 

Криминогендік жағдай және қылмыстық-құқықтық саладағы азаматтардың конституциялық қақын қамтамасыз етуге бағытталған шаралар жөнінде есеп берді.

Әлеуметтік-экономикалық салада 81 мың кәсіпкердің, 979 мың зейнеткердің, халықтың әлеуметтік тұрғыдан аз қамтылған топтарының және басқа да азаматтардың бұзылған құқықтары қалпына келтірілгенін хабарлады. 123 мың жұмысшының еңбек құқығын бұзуға жол берілмеген. Жалпы сомасы 4,5 млрд теңге болатын алимент бойынша қарыз өндірілген.

Сондай-ақ былтыр мемлекет пайдасына 627 миллиард теңгеден асатын өтемақы қайтарылғаны жөнінде айтты.

Қасым-Жомарт Тоқаев “Заң және тәртіп” қағидасын іске асыру, барлық салада заңнаманың сақталуын қамтамасыз ету жұмыстарын жалғастыруды тапсырды.