ҚОҒАМ
Фото: freepik.com
Олжас Бектенов әуе рейстерінің жиі кешігу жағдайларын реттеуді қолға алуды тапсырды, деп хабарлайды Bugin.kz порталы.
Үкімет отырысында авиация саласын дамыту және цифрландыру мәселесі қаралды. Премьер-министр әуе рейстері жиі кешіктірілетініне наразылығын білдірді.
"Ішкі ұшу сапарларының жиілігін арттыру, сондай-ақ халықаралық ұшу сапарларының географиясын кеңейту бойынша жұмыстар жүргізіліп жатыр. Бірақ әуе рейстері кешігетін жағдайлар жиі болады. Көбінесе бұл әуекомпаниялары мен әуежайлардың арасындағы ретсіз жұмыстардың кесірінен туындап жатады. Сондықтан министрлікке осы мәселенің тетіктерін пысықтауды тапсырамын", — деп атап өтті үкімет басшысы.
Сонымен қатар биыл елде авиация саласында бірқатар маңызды жоба жүзеге асады. 16 жаңа әуе бағыты ашылады. Мемлекет басшысының тапсырмасымен Қатонқарағай, Зайсан, Кендірлі курорттық аймақтарында жаңа әуежайлар салынады.
Альфия Адамбек
Қосымшаны жүктеп алыңыз
