Қызылорда облысында бухгалтер 50 млн теңгені жымқырды

Қызылорда облысында балалар орталығының бухгалтері бюджеттен 50 млн теңге жымқырды, деп хабарлайды Bugin.kz порталы. 

Қызылорда облысындағы "Дарын" Мемлекеттік қосымша білім беру орталығының бас бухгалтері жеке шотына ұстаздардың жалақысы мен іссапарларға арналған 50 млн теңгені заңсыз аударған. 

Бұл жағдайды қаржылық бұзушылықтарды қадағалау органының қызметкерлері анықтады. Қаражат жымқырылғаны бюджет қаражатының жұмсалуын тексеру кезінде анықталды. 

Енді бухгалтердің мүлкі тәркіленіп, 12 жылға дейін бас бостандығынан айырылуы мүмкін.