Қазақстандық екі азамат Украинадағы соғысқа қатысып, қаза тапты

Өскеменнің екі тұрғыны Украинадағы соғысқа қатысып, қаза тапты, деп хабарлайды Bugin.kz порталы. 

Бұл туралы Шығыс Қазақстан облысындағы ұлттық қауіпсіздік комитеті департаменті мәлімдеді. Өскемен тұрғындары 2024 жылы Ресейге кетіп, Украина аумағындағы соғысқа қатысқан. Олар Донецк облысында ауыр жараланып, қан жоғалтып, қайтыс болған. Марқұмдардың сүйегі Өскеменге жеткізілді. 

ҰҚК департаменті оларға қатысты Қылмыстық кодекстің "Шетелдегі қарулы қақтығыстарға қатысу" бабы бойынша тергеу жүргізген еді. 2025 жылы Өскемен қаласы №2 сотының қаулысына сәйкес, айыпталушылардың қайтыс болғанына байланысты қылмыстық іс тоқтатылды.