Ұлытаудағы 7 кеншінің қазасы: шахтада тау жынысының опырылуы болмаған

“Қазақмыс” компаниясы тың мәлімдеме жасады, деп хабарлайды Bugin.kz порталы. 

Еске салайық, “Қазақмыс” корпорациясы “Жомарт” кен орнында болған апаттан 7 адам ажал құшты. Алғашында компания кеніште табиғи газ жарылғанын айтқан еді. 

“Алғашқы нұсқада қайғылы оқиғаға тау жынысының опырылуы себеп болғаны айтылды. Алайда апаттан құтқару тобы опырылудың болмағанын анықтады”, - делінген мәлімдемеде.

Кеніштегі жұмыс тергеу аяқталғанға дейін тоқтатылды. Табиғи газдың жарылуына не себеп болғаны анықталып жатыр.

Қазіргі таңда Премьер-министр Олжас Бектеновтің тапсырмасы бойынша Ұлытау облысындағы ТЖ орнында вице-премьер Қанат Бозымбаевтың басшылығымен үкіметтік комиссия жұмыс істеп жатыр.

Комиссия құрамында Ұлытау облысының әкімі Дастан Рыспеков, ТЖ министрі Шыңғыс Әрінов, ішкі істер министрінің бірінші орынбасары Бауыржан Әленов, еңбек және халықты әлеуметтік қорғау бірінші вице-министрі Ақмәди Сарбасов, денсаулық сақтау вице-министрі Ержан Нұрлыбаев, өнеркәсіп және құрылыс вице-министрі Иран Шархан, ҚР ТЖМ Өнеркәсіптік қауіпсіздік комитеті төрағасының міндетін атқарушы Рашид Дубаев бар.