АҚШ БҰҰ-дан шығу туралы заң жобасын әзірледі

Америка сенаторлары АҚШ-тың БҰҰ-дан шығу туралы заң жобасын әзірледі, деп хабарлайды Bugin.kz порталы. 

Заң жобасында АҚШ тарапынан Біріккен Ұлттар Ұйымын қаржыландыруды тоқтату, сенаттың мақұлдауынсыз ұйымға қайта мүше болуға және бейбітшілік сақтау миссияларына қатысуға тыйым салу мәселелері қамтылған. Сенаторлар БҰҰ Америка мен оның одақтастарына шабуыл жасауға арналған алаңға айналып кеткенін айтады. 

"Біз бұл үшін қаржы салуымызды тоқтатуымыз қажет. Президент Трамп біздің сыртқы саясатымызды жаңартып, Америка мүддесін бірінші орынға қойып жатыр. Сол себепті біз осы ұйымнан шығып, еліміздің қауіпсіздігі мен өркендеуін қамтамасыз ететін басқа альянстарға басымдық беруіміз керек”, - деді сенатор Майк Ли.

Ақпан айының басында Ақ үйде Дональд Трамп елдің БҰҰ адам құқықтары жөніндегі кеңесі мен палестиналық босқындарға көмек жөніндегі Таяу Шығыс агенттігінен шығу туралы жарлыққа қол қойған. Бұл атқарушы жарлық Америка Құрама Штаттарына БҰҰ жүйесінде тіркелген екі ұйымнан бірден кетуге мүмкіндік беретіні атап өтілді.