Алматыда танымал адвокат сотталды

Алматы қалалық адвокаттар алқасының адвокаты сотталды, деп хабарлайды Bugin.kz порталы. 

Алматы қаласы Медеу аудандық соты Алматы қалалық адвокаттар алқасының адвокаты Р. Наинбаев және қала тұрғындары Д. Тұяшев, Г. Сәкеноваға үкім шығарды. 

Тергеу мәліметтері бойынша, адвокат бұрынғы балабақша ғимаратын тұрғын үй-жайларға заңдастыру сылтауымен мемлекеттік органдардың лауазымды адамдарына 30 млн теңгеден астам пара беруге итермелеген. Ал қала тұрғындары алаяқтық жасағаны және арандатқаны үшін кінәлі деп танылды.

Сот үкімімен Сәкеноваға 7 жыл, Тұяшевқа – 4 жыл және Наинбаевқа - 1 жыл бас бостандығынан айыру жазасы тағайындалды.

Сотталғандар мемлекеттік қызметте және квазимемлекеттік сектор субъектілерінде қызмет атқару құқығынан өмір бойы айырылады.