Алдағы күндерге арналған ауа райы болжамы

Қазгидромет 27 ақпан мен 1 наурызға арналған ауа райы болжамын ұсынды, деп хабарлайды Bugin.kz порталы. 

Синоптиктер өңірлерде қар жауып, жауын-шашын болатынын ескертті. 

“Оңтүстік циклон ел аумағының басым бөлігіне ықпал етеді, сондықтан боран соғып, қар жауады, елдің оңтүстігінде, оңтүстік-шығысында жаңбыр мен қар түрінде жауын-шашын жауады”, - деп хабарлады мамандар. 

27 -28 ақпанда түнде республиканың оңтүстік-шығысында 30 м/с және одан да қатты жел соғады.

Ал 1 наурызда солтүстік-батыста қатты қар жауады. ҚР бойынша тұман түседі, көктайғақ болады, жел күшейеді.