Қазақстан шенеуніктеріне шетелден жиһаз бен киім-кешек сатып алуға тыйым салынуы мүмкін

"Ұлттық режимнен алып тастауды бекіту туралы" қаулы қазіргі уақытта Нормативті құқықтық актілер ашық порталында талқыланып жатыр.

- Аталмыш қаулы жобасы мемлекеттік сатып алуға қатысуға импорттық өндірістің жеңіл, жиһаз өнеркәсібі өнімдеріне және құрылыс материалдарына 2 жыл мерзімге шектеуді көздейді, - деп көрсетілген құжатта.

Сонымен, ұлттық режімнен келесідей шет мемлекеттерде өндірілетін тауарлар жатады:

·        Спорттық, шаңғы және суға түсетін костюмдер; өзге де киімдер;

·        Төсек, асхана, дәретхана және ас үй іш киімі;

·        Табаны бар, су өткізбейтін және үсті резеңке немесе пластмассадан жасалған аяқ киімдер;

·        Табаны бар және үсті резеңкеден немесе пластмассадан жасалған өзге де аяқ киімдер;

·        Резеңкеден, пластмассадан, табиғи немесе композициялық былғарыдан жасалған табаны бар және үсті табиғи былғарыдан жасалған аяқ киімдер;

·        Резеңкеден, пластмассадан, табиғи немесе композициялық былғарыдан жасалған табаны бар және үсті тоқыма материалдардан жасалған аяқ киімдер

·        Өзге де аяқ киімдер

·        Кеңселік ағаш жиһаз

·        Кеңселік металл жиһаз

·        Портландцемент және цемент

Талқылау тамыз айының 13-не дейін жүргізіледі.

Айта кеткен жөн, бұған дейін Қазақстан шенеуніктеріне шетелден көлік сатып алуға тыйым салынған болатын.