Неше жаста үйленген абзал?

Байырғы заманда он үште отау иесі атанып, оттың басын ерте түтетін жастар бүгінгі таңда шаңырақ құруға асықпайтын болып кеткен. Оның себебі неде?

Ақпарат жинай келе, үй болуға асықпаудың басты себебі – тәуелсіз болуға асыққан заманның талабы деген ой түйдім. Университет қабырғасын 21-22 жаста бітірген мамандар тағы да бірнеше жыл еңбек жолын жалғап, жеке бас жетістіктерін қудалап уақыт созып жүр. Қазақи ортада қыз баласының жасы 24-тен аса бастаса, «отырған қыз» атана бастайтын кездер ақырыңдап алыстап барады.

Статистикаға сүйенсек, соңғы жылдары шаңырақ көтерудің орташа жасы 25-29 жас есептеліп, 32,8 пайызды құраса, 27,6 пайызды 20-24 жастағы ғашықтар құрайды екен.

Одан соң ақыл тоқтатып, ес жинап, тірлігін бір жолға қоюды мақсат тұтатын 30-34 жастағы жұптар статистиканың үшінші орнына тұрақтап, жалпы көрсеткіштің 15,3 пайызын құрап отыр. Елімізде соңғы жылдары құрылған жас шаңырақтың 8,4 пайызы – 35-39 жаста, 5,0 пайызы – 40-44 жаста, 3,5 пайызы – 45-49 жаста, 2,7 пайызы – 50-54 жаста, 1,3 пайызы – 18-19 жас мөлшерін құраған екен.

Қай жаста үйленген дұрыс? Нешеде тұрмыс құру міндет? Таяқтық екі ұшы бар жауаптың қайсысын таңдайтыныңыз өзіңізге байланысты. Бастысы-жар таңдаудан қателеспесеңіз болғаны.