Владимир Божко мен Гүлжан Қарақұсова депутаттықтан айырылды

"Nur Otan" партиясы мәжілістің жаңа шақырылымына енгізілген депутаттарының тізімін жариялады. Ал бұл тізімде бұрынғы депутаттар Владимир Божко мен Гүлжан Қарақұсова, Зағипа Балиева, партияның төрағасының орынбасары Бауыржан Байбек, премьер-министр Асқар Мамин жоқ.

Жалпы, "Nur Otan" партиясы сайлаудың нәтижесінде мәжіліс палатасына мүше болуға 76 мандат жеңіп алған еді.

"Қазақстан Республикасындағы сайлау туралы» Конституциялық заңның 97-1 бабының 5-тармағына сәйкес «Nur Otan» партиясы Саяси кеңесі Бюросының 12 қаңтардағы шешімімен 76 кандидаттан тұратын тізім бекітіліп, ҚР Парламенті Мәжілісінің VII шақырылымының депутаттары ретінде тіркеу үшін Орталық сайлау комиссиясына жолданды", - делінген баспасөз хабарламасында.

Партия Төрағасының Парламент Мәжілісіндегі жастар мен әйелдердің үлесін арттыру жөніндегі тапсырмасы нақты іске асырылды. Яғни, "Nur Otan" Фракциясының жаңа құрамының 40%-ті әйелдер мен 35 жасқа дейінгі жастардан тұрады", - делінген партияның баспасөз хабарламасында.

Мәжіліс депутаты тізіміне Қоғамдық сенім кеңесінен 6 адам өтті: Қанат Нұров, Бақытбек Смағұлов, Берік Әбдіғалиұлы, Ерлан Саиров, Айдос Сарым мен Бекболат Тілеухан.

Дариға Назарбаев депутат боп сайланды

Бекболат Тілеухан мен Мәди Ахметов депутаттыққа өтті