Қызылорда облысында жантүршігерлік жол апатынан 5 адам қаза тапты

Қызылорда облысында жол апаты болып, 5 адам көз жұмды, деп хабарлайды Bugin.kz порталы polisia.kz сайтына сілтеме жасап.
23 тамыз күні сағат 16:00 шамасында Қызылорда облысының Шиелі ауданы Алмалы ауылының тұсында Газель және Nexiа автокөліктері соқтығысып, салдарынан 5 адам қайтыс болып, 3 адам жарақат алды.

ҚР ҚК-нің 345-бабының 4-бөлігімен сотқа дейінгі тергеп-тексеру әрекеттері басталды. Тиісті сараптамалар тағайындалды. Оқиғаның мән-жайлары анықталып жатыр.

Полиция қызметкерлері жолдардағы қауіпсіздік шаралары туралы ескертеді.