Алматы - мәдени орталық. Мұнда тұрғындардан бөлек туристер де жиі келеді. Күзде Алматыда қыдыратын жерлер өте көп. Bugin.kz тілшісі оқырмандар үшін арнайы баруға болатын орындар тізімін жариялады.
Жұлдызды алаң (Звездная поляна)
Бұл алаң Ғашықтар тауы деп аталады. Жұлдызды алаңға келген адамдар аспандағы шексіз жұлдыздарды көре алады.
almaty.tv
Асы үстірті
tengrinews.kz
Асы үстірті Кіші Түрген өзенінен бастау алып, 60 шақырым жерге созылып жатыр. Үстірт 2800-3200 метр биіктік аралығында жатыр. Мұнда ерте темір дәуірінің қорған-қорымдары сақталған. Бұл жер, әсіресе, күзде өте әдемі. Осы жерден айналадағы тауларды көруге болады. Үстірттің жоғарғы алаңында астрофизика обсерваториясы салынды, онда әлемдегі ең ірі
телескоптардың бірі орнатылған. Межелі пунктке 2,5 сағатта жетуге болады.
Мекен-жайы: Алматы қаласынан шығысқа қарай 100 км
Түрген шатқалы
almaty-akshamy.kz
Түрген шатқалы — тығыз ормандарымен, жасыл алқаптарымен және төбелерімен танымал Алматы маңындағы көркем жер.
Күзде мұнда барлық жер жарқын және жылы реңктері бір-бірімен әдемі араласып, таңғажайып ландшафт жасайды. Шатқалда келушілердің аралап көруіне арналған көптеген көрікті жерлер бар. Жеке автокөлікпен 2,5-3 сағатта жетуге болады.
Мекен-жайы: Алматыдан 70 км. Екі жолмен: Құлжа және Талғар тас жолымен баруға болады.
Есік көлі
kk.spiritualquiet.com
Есік көлі - Іле Алатауының Есік шатқалында 1759 метр биіктікте, Алматыдан шығысқа қарай шамамен 40 км жерде орналасқан. Оған автокөлікпен баруға болады. "Есік" атауы қазақтың есік, тар шатқал деген сөзінен шыққан. Бұл жерде б.з. д. IV-V ғғ. Есік қорғанына және кейіннен Қазақстанның символына айналған сауыт пен алтын киім киген сақ жауынгері табылған жерге де баруға болады.
Мекен-жайы: Алматы облысы Құлжа трактісі бойынша қаладан 70,5 км орналасқан.
Көлсай көлдері
Көлсай көлдері — Кеген ауданындағы Көлсай ұлттық саябағында орналасқан Солтүстік Тянь-Шаньдағы Үш биік көлден тұратын жүйе. Көлсай көлдері ұлттық саябағында ыңғайлы орындықтар, далада тамақ пісіруге арналған арнайы орындар бар. Сондай-ақ, демалу үшін атпен, қайықтар және катамарандармен серуендеуге жағдай жасалған. Келушілер бұл әдемі жерде керемет фотосессия жасай алады.
sxodim.com
Ботаникалық бақ
Алматы ботаникалық бағының жалпы аумағы – 104 гектар. Бақтың ішінде алуан түрлі гүл, биік қарағай, әдемі қайыңдар мен емен, өзге де ағаштар өседі. Ботаникалық бақ демалыс күндері жұмыс істейді. Ал әр айдың бірінші дүйсенбісі – санитарлық күн.
baribar.kz
