"Қабырғамыз қайысуда!" Елорданың жаңа әкімі көз жұмған бүлдіршіннің ата-анасына көңіл айтты

Соған орай, Бас қаланың жас әкімі Алтай Күлгінов бүгін көз жұмған баланың Арыстағы ата-анасына көңіл айтып, жазба жариялады, деп хабарлайды Bugin.kz тәуелсіз авторлар платформасы. 

- Арыс қаласындағы көлік оқиғасынан жарақат алып, Нұр-Сұлтан қаласында ота жасалған бүлдіршіннің жантәсілім еткені қабырғамызды қайыстырды. Ата-анасына көңіл айтып, сабырлық тілеймін. Бауырымыз бүтін, еліміз аман болсын! – деп жазды Күлгінов.

Айта кеткен жөн, Арыстағы жарылыстан қашқан бала Арыс-Монайтас тас жолында көлік астына түсіп, ауыр жарақат алған еді. Бір ай бойы комда жатқан бала бүгін таңертең жантәсілім болды.

Ал бұған дейін Түркістан әкімдігі баланың ата-анасына материалдық көмек көрсетілетінін айтқан еді.