Қажымұқан Мұңайтпасов алғашқы театрдың негізін қалағанын білесіз бе?

Авторларды қолдау орталығы

mediabugin@gmail.com

Фото: Bugin.kz / Томирис Мұхамеджан

Қазіргі М.Әуезов атындағы академиялық драма театрының алғаш негізін Қажымұқан Мұңайтпасов қалаған. Мұрағат деректерінде кездескен сол кездегі журналист, жазушы Н.Ановтың жазған мақалалары да мұны дәйектеп тұр, деп хабарлайды bugin.kz тілшісі.

Қажымұқан Мұңайтпасов әр қалада түрлі чемпионаттар ұйымдастырып, әртістердің қатысуымен түрлі жанрдағы іс-шаралар өткізген. Әнші, домбырашы, дарынды жастарды жинап, олардың халық алдында өнер көрсетуіне көмектескен. Ал өзі көрермендерге қара күштен өнер көрсетіп, таңғалдырған.

ҚР Ұлттық кітапханасы

ҚР Ұлттық кітапханасы

1926 жылы Қажымұқан Қызылордада І кәсіби қазақ театрының (қазіргі М.Әуезов атындағы академиялық драма театры, Алматы қ.) негізін қалаған. Күш атасы құрған өнер ордасынан елімізге танымал бірқатар опера, драма, цирк әртістері шыққан. Сол уақытта өнер ордасында Елубай Өмірзақов, Серке Қожамқұлов, Қапан Бадыров, Қалибек Қуанышбаев, Құрманбек Жандарбеков, Әміре Қашаубаев, Иса Байзақов сияқты майталмандар өнер көрсеткен. Театрда алғаш рет Қошмұхамбет Кемеңгерұлының "Алтын сақина" және Мұхтар Әуезовтің "Еңлік-Кебек" пьесасынан үзінді қойылған. Кейін театр 1927 жылы академия атағын алған.

ҚР Ұлттық кітапханасы

ҚР Ұлттық кітапханасы

Алайда 1937 жылы Қажымұқанның ізіне түсіп, "патшаның адамы екен, қолынан медаль, сыйлық алған" деп қудалайды. Осыған байланысты ол отбасын тастап, Түркістан мен Өзбекстанда бас сауғалап, Түркістан облысында қайтыс болады.

Материал ҚР Ұлттық кітапханасындағы материалдар бойынша дайындалды

Айдар

Айдар

Беттер

ПРОФИЛЬ

Қажымұқан Мұңайтпасов алғашқы театрдың негізін қалағанын білесіз бе?