Түрмедегі Темірлан Еңсебектің тағдыры не болады? — Бас прокуратура жауабы

Бас прокуратура сатиралық ақпарат тарататын Qaznews24.kz парақшасының авторы Темірлан Еңсебек басқа біреудің әнін жариялағаны үшін ұлтаралық араздықты қоздырды деген күдікке ілінгенін мәлімдеді, деп хабарлайды Bugin.kz порталы. 

Бас прокурордың орынбасары Ғалымжан Қойгелдиев әннің авторы әлі де іздестіріліп жатқанын айтты. 

“Бір ғана нәрсені айта аламын. Азаматқа қылмыстық кодекстің 174-бабында “Әлеуметтік, ұлттық, рулық, нәсілдік, тектік-топтық немесе діни араздықты қоздыруға” бағытталған материалдарды дайындағаны үшін ғана емес, оны таратқаны үшін де жаза қарастырылған. Ол жерде бәрі түсінікті айтылған", – деді Қойгелдиев. 

Сондай-ақ Темірлан Еңсебектің ісі 9 ай бұрын қарала бастаған. Қойгелдиев аулы жазба былтыр жарияланғанымен, Еңсебектің неліктен биыл ұсталғанын түсіндірді. 

"Бұл факт 2024 жылы көктемде әлеуметтік желілерге мониторинг жүргізу кезінде анықталды. 174-бап бойынша қылмыстық іс қозғалып, сараптама тағайындалды. Қорытындысын алғаннан кейін оған осы бап бойынша айып тағылды", – деді бас прокурордың орынбасары.

Еске салайық, танымал Qaznews24 сатиралық парақшасының авторы Темірлан Еңсебек екі ай мерзімге қамауға алынды.

Ол 174-бап бойынша ("Әлеуметтік, ұлттық, рулық, нәсілдік, таптық немесе дәни алауыздықты қоздыру")  айыпталып отыр. Темірлан Еңсебек 2 жылдан 7 жылға дейін бас бостандығынан айырылуы мүмкін. 

Осы жағдайдан кейін журналист әрі Art of Her журналының бұрынғы бас редакторы Руслан Бикетов жалғыз өзі пикетке шықты. 

19 қаңтар күні ұсталған журналист Руслан Бикетов ҚР бейбіт жиналыстарды ұйымдастыру және өткізу тәртібі туралы заңнамасын бұзғаны үшін 15 тәулікке қамалды.

20 қаңтар күні Алматыда Qaznews24 сатиралық паблигінің авторы Темірлан Еңсебекке қолдау білдіріп, “Сатира – қылмыс емес” деген жазуы бар плакат ұстап пикетке шыққан еді. Оқиға орнына 5 минут өтпей полиция барып, журналисті ұстап әкетті. Сот шешімімен журналист 15 күнге қамады. Журналиске "Бейбіт жиын өткізу тәртібін бұзды” (488-бап) деген айып тағылған. Жәпішева сот шешіміне келіспейді.

Полицияның мәліметінше, Темірланның ұсталуы сатиралық жазбаларымен байланысты емес екен. Қылмыстық істің себебі – ұлтаралық араздықты қоздыру және этностардың бірінің өкілдерін қорлау белгілері бар материалды жариялау болған.

Темірлан Еңсебек түрмеден хат жолдады.